أنواع الأسلحه في PUBG ببجي ونصائح لتجعل السلاح أقوى

أنواع الأسلحه في PUBG ببجي ونصائح لتجعل السلاح أقوى

    ترتيب جميع اسلحة لعبة ببجي

    ما هو السلاح الاقوى والمفضل لدى محترفين لعبة ببجي وكيف تجل من سلاحك أقوى سلاح يمكنك الاعتماد عليه في لعبة PUBG ده هيكون محور حديثنا من خلال مقالتنا وسوف نتناول فيه كل أنواع أسلحة ببجي باختصار وفيه أسلحه بعيده المدى ومتوسطه وقريبه المدى سوف نتحدث عنهم كلهم.
    بالنسبه( للاسلحه بعيده المدى) ديه بتنقسم إلى (البنادق القناصه) و(البنادق بعيده المدى) والفرق بينهم هو أن يجب اعاده تلقيم كل رصاصه ف القناصات لكن ده بيتم اليا في البنادق.. فالقناصات بتديك فرصه تموت خصمك من اول طلقه لو عندك تمكن ف استخدامها بينما البنادق القناصه إطلاق النار بيبقي أسرع...

    • البنادق القناصه (Sniper Rifles)

    1. AWM : مبتنزلش الا في الدروبات هي والطلق بتاعها وبيبقي حوالي خمسه وعشرين رصاصه بس. بس بتموت من اول طلقه لو ف الرأس مهما كان اللي بتضربه لابس دروع ايه.
    2. M24 : بتموت من اول ضربه ف الراس لو اللي قدامك لابس خوذه ليفيل اتنين أو أقل وكمان بتستخدمه رصاص سبعه المتوفر.
    3. kar98k: بتعمل ضرر جامد وتموت لو الخوذه ليفيل اتنين أو أقل بس عيبها انها مبتقبلش مخزن رصاص موسع وكمان اعاده التلقيم بطيئ.
    4. Win94: تعبانه جدا ضرر قليل وكمان مبتقبلش اي سكوب.

    • بنادق المدى البعيد (Designated marksman Rifles) DMR

    1. MK14: مبتنزلش الا في الدروبات بس، بندقيه كويسه جدا ف التصويب بالذات لو بتضرب وانت منبطح.
    2. SKS: بتعمل ضرر مش بطال وصوتها واطي وياسلام لو استخدمت معاها كاتم مشكلتها الارتداد وانت بتضرب كبير اوي بس هي خيار كويس خالص.
    3. SLR : صعوبه التحكم فيها شويه بتخلي فيه ناس تحب تستخدم SKS.
    4. QBU88 : مش هتلاقيها الا في سانهوك ضررها قليل شويه والارتداد كبير بس وانت منبطح الارتداد بيبقى شبه معدوم.
    5. Mini 14 : الوحيده اللي في الفئه اللي بستخدم رصاص خمسه وهي أسرع سرعه رصاصه فيهم بس الضرر أقل بسيط وكمان التحكم فيها أصعب شويه.
    6. VSS: أقل واحده ضرر وسرعه رصاصه قليله جدا فعشان كده تعبانه جدا ف المدى البعيد.بس بتتميز بسرعه إطلاق النار فده بيخليها ليها ميزه في المدى القريب وكمان ميزتها أن هي بتيجي جاهز فيها كاتم صوت وسكوب اربعه فمميزه فالتخفي وان محدش يعرف الضرب جاي منين.

    • الأسلحه متوسطه المدى

    1. بالنسبه الأسلحه متوسطه المدى هنلاقي ال البنادق الهجوميه والرشاشات (Assult Rifles/AR) و(Lite Machines Guns/LMG) 
    2. اكتر أسلحه بتستخدم ف اللعبه وبستخدم في مختلف الأبعاد بالذات المتوسط وكمان أسرع إطلاق نار
    3. Groza : مبتنزلش الا في الدروبات بس أسرع إطلاق نار وأعلى ثبات ولو اتقنت استخدامها ممكن تموت تيم كامل بمخزن واحد.
    4. Aug A3: برضه مش بينزل الا في الدروبات والضرر أقل بسيط بس ثبات عالي ويا سلام لو ركبتله كاتم صوت.
    5. DP-28 : أعلى معدل ضرر ضمن فئته وكمان الخزنه فيها سبعه وأربعين رصاصه بس عيوبه أن التحكم صعب و اعاده التعبئه طويل والتصويب مش سهل لأن مخزن الرصاص عامل زي القرص فبياخد جزء كبير من الشاشه.
    6. AKM : رهيب ع المدى القريب بسبب الضرر بتاعها الكبير بس ف المدى المتوسط والبعيد الارتداد الجامد بتاعها بيخليها غير ثابته وانت بتضرب النار وكمان أبطأ شويه بس لو قدرت تتحكم ف الارتداد ده فهتبقي خيار كويس وناس كتير بيحبوا يلعبوا بيه.
    7. M416 : المفضله عند ناس كتير بالذات عشان الثبات بتاعها في أي مدى وبالذات كمان لو استخدمت الملحقات بتاعها بس لأن الملحقات صعب العثور عليها شويه فالأفضل تبتدي تجمع الملحقات بتاعها من قبل ما تلاقي الرشاش نفسه.
    8. M762 : هجين بين ال M416 و AKM 
    9. ضرر عالي وسرعه إطلاق نار عاليه ولو استخدمت ملحقات كويسه هتزود فعاليتها وتقلل عيوبها وخصوصا الارتداد الكبير أثناء الإطلاق.
    10. Scar-L :  احسن بديل لل M416
    11. عشان نفس التحكم ودعم الكثير من الملحقات هي اه أبطأ شويه ف إطلاق النار بس صوتها اقل شويه فهتبقي جامده مع كاتم وهي مش موجوده في سانهوك والبديل ليها هناك QBZ.
    12. QBZ95 : في سانهوك بس
    13. M16A4:  مع انها كويسه في المدى البعيد بالذات مع سكوب بس لانها بتضرب الرصاص مش بنظام الرش ولكن بنظام تلت طلقات في كل رشه فده مخليها مش الخيار الأمثل لناس كتير.
    14. M249 : تلاقيه ف الدروبات و مع ان ضرره جامد و سرعه إطلاق النار عاليه والخزنه ميه رصاصه بس مش بيقبل مخزن موسع أو سريع التبديل وكمان سرعه تبديل الخزنه طويله جدا والتحكم صعب وكمان ليس الأكثر ثباتاً.
    15. G36C:  مش موجوده الا في خريطه الثلج وسهله الاستخدام والتحكم وسرعه إطلاق الرصاص كبيره فهي بديل كويس لل M416 & Scar-L.
    16. MK47 Mutant:  ضرر جامد جدا بس مش بتضرب بنظام الرش ولكن بتضرب بنظام رصاصه رصاصه أو رشقات من رصاصتين عموما هي كويسه ف المدى المتوسط بس ف المسافات القريبه فيه خيارات احسن بكتير خصوصا أن الخزنه سبعه وعشرين رصاصه.

    • أسلحة المدى القريب

    بالنسبه (للمدى القريب) فهنلاقي البنادق الخفيفه(Submachine - Guns /SMG) والشوازن (SHOTGUNS) و المسدسات(Pistols)
    1-  SMG
    1. Tommy or Thompson : لو حطتلها موسع خزنه فتقبل حتى خمسين رصاصه بس لا يقبل ولا سكوب.
    2. UMP9:  بتقبل كثير من الملحقات وثابته وممكن استخدامها ع المدى المتوسط.
    3. Vector : ثبات وسرعه إطلاق نار كويس فعشان كده كويسه اوي ف المدى القريب بس ف المدى المتوسط مش زي UMP9.
    4. ولازم تستخدم معاها مخزن إضافي لأن الخزنه مش بتقبل الا ثلاثه عشر رصاصه فقط بس مع المخزن الإضافي بتقبل حتى خمسه وعشرين.
    5. UZI :  سرعه إطلاق نار عاليه وثبات بس لا يدعم اي سكوب وغير قابل للتخصيص ممكن تستخدمه ف اول الجيم بس.
    2- Shotguns الشوازن اي واحد ابعد منك ب عشره متر يبقى إستخدم مسدس أحسن منهم.
    1. S686 : فيها رصاصتين بس الضرر عالي ولكن وقت التعبئه طويل.
    2. S1897: فيها خمس رصاصات وبتعمل ضرر عالي بس الرصاصات بتتملي يدويا فإما تموته من اول ضربه لاما هتموت على ما تملي تاني طلقه.
    3. S12K : ممكن يتحطلها كاتم وسكوب بس ف الاول والآخر شوازن.
    3- الاسلحه الجانبيه والمسدسات (Sidearm & Pistols) وديه مش بتتحسب من السلاحين اللي معاك.
    1. Flare Gun: معاه رصاصه واحده وبينضرب ف السما لو انت بره الزون هتنزلك سيارة مصفحه لا يخترقها الرصاص بس بتنفجر عادي ولو انا جوه الزون ينزلك صندوق أسلحه فيه خوذه ودرع ليفل تلاته وسلاحين واحد متوسط وواحد بعيد المدى.
    2. Sawed-Off : هو شوزن بس ضرره قليل فبيتحط مع الأسلحه الجانبيه وموجوده في ميرامار.
    3. R1895 مسدس : سيئ جدا لأن التحكم صعب وأعاده التلقيم بتاخد وقت طويل.
    4. R45 مسدس : موجود في ميرامار بس وزي اللي فوقيه سيئ.
    5. P1911 مسدس : معدل الضرر مش بطال والخزنه سبع رصاصات ولو حطيتله موسع خزنه يقبل أثنى عشر رصاصه.
    6. P92 مسدس : معدل الضرر مش بطال والخزنه خمسه عشر رصاصه ولو حطيتله موسع خزنه يقبل عشرين رصاصه فهو خيار كويس.
    7. P18C مسدس : مع انه ضرر قليل بس يعتبر احسن واحد فيهم عشان سريع ف الضرب وكمان الخزنه بتقبل سبعه عشر رصاصه ومع الموسع بتبقى خمسه وعشرين.
    8. Skorpion: مسدس اوتوماتيك بيضرب الرصاص رشا بشكل أسرع وخزنه اكبر من اللي فوقيه.
    4- الاسلحه اليدويه والأسلحة الأخرى
    1. Crossbow القوس والنشاب: يقدر يموت واحد بضربه ف الراس مهما كان الخوذه اللي لابسه بس لو مقتلتوش من اول ضربه مش هتلحق تضرب سهم تاني عشان بياخد وقت طويل على ما يعمر.
    2. المقلاة : ضرر عالي وضد الرصاص البسها ف ظهرك كدرع.
    3. الماشيتي (الساطور) والمنجل والعتله.
    تلك ببساطه أنواع الأسلحه ولو عجبكم الموضوع ممكن أعمل واحد تاني عن أنواع الملحقات ف اللعبه وانتي إستخدم كل واحد وفايدته مع كل سلاح زي compensator & suppressor.

    هاله العادلي
    @مرسلة بواسطة
    كاتب ومحرر اخبار اعمل في موقع الحريف .

    إرسال تعليق