التخطي إلى المحتوى

اسعار دهانات جوتن, استعرضنا في السابق أسعار الدهانات للعديد من الشركات العملاقة في سوق الدهانات في مصر، واليوم سوف نعرض أحدث أسعار شركة جوتن للدهانات في مصر  2022 ونقدم خلال تقريرنا التالي أسعار دهانات بلاستيك جوتن نصف لامع ولامع وربع لامع ومط + أسعار معجون جوتن وأسعار منتجات الديكور والقطيفة والروعه والفلاور والسحاب, واللاكيه فتابوعنا فهذا المقال متجدد بشكل مستمر لمسايرة تغيرات الأسعار.
وفي البداية الجميع يعرف قيمة منتجات جوتن وكيف تتميز على المنتجات المنافسة لها وتتفوق عليها بجودة منتجاتها وتناسبها مع المنزل المصري، فلا حاجة لنا لأن نعدد مزايا شركة جوتن للدهانات ولا لاستعراض بلاستيك جوتين ولا معجون جوتين وأدائه المتميز وقد تحدثنا في السابق عن أسعار الدهانات فدعونا ندخل في صلب التقرير بعرض الأسعار.

أسعار دهانات جوتن 2022

  • سعر بستلة جوتن نصف لامع يوتن فينوماستك: 650 جنيه.
  • سعر بستلة جوتن مط يوتن ديوروسان: 350 جنيه.
  • سعر جالون فينوماستك هوم سيلك نصف لامع: 300.
  • بستلة فينوماستيك بيتي هوم مط: 950 جنيه.
  • بستلة فينوماستيك ايملوجن نصف لامع: 680 جنيه.
  • سعر بستلة ديوروسان اكشن 325 جنيه.
سعر بستلة جوتن نصف لامع يوتن فينوماستك
سعر بستلة جوتن نصف لامع يوتن فينوماستك

سعر بستلة جوتن نصف لامع يوتن فينوماستك: 680 جنيه. 

وهي دهان مائي عالي الجودة قابل للغسيل يصلح كدهان داخلي نصف لامع, طلاء ناعم حريري ذو قابلية جيدة للغسيل.

شاهد ايضا: أسعار معجون الحوائط 2022 وأفضل الأنواع في مصر

سعر بستلة جوتن مط يوتن ديوروسان: 330 جنيه.

سعر بستلة جوتن مط يوتن ديوروسان
سعر بستلة جوتن مط يوتن ديوروسان

وهو دهان مائي لأعمال التبطين لعمل البطانة ويصلح لعمل الفنش مط أيضاً وهو أبيض ويخفف بالماء
وتم تطويره مؤخراً ليعطي بياضاً أكثر ناصعا + معدل فرد أعلى من السابق

سعر جالون فينوماستك هوم سيلك نصف لامع: 300 جنيه

سعر جالون فينوماستك هوم سيلك نصف لامع
سعر جالون فينوماستك هوم سيلك نصف لامع

دهان نصف لامع ابيض اللون ملمس ناعم يصلح لأعمال التشطيب الداخلي للمنازل وهو عالي الجودة من انتاج جوتن ووزن الجالون ثلاثة كيلو جرامات.

بستلة فينوماستيك بيتي هوم مط: 950 جنيه

دهان مطفي خارجي للوجهات وهو بلاستيك غير لامع من جوتن فينوماستيك بيتي هوم وسعر البستلة 890 ووزنها 13 كيلو جرام .

بستلة فينوماستيك ايملوجن نصف لامع: 680 جنيه

بستلة فينوماستيك ايملوجن نصف لامع
بستلة فينوماستيك ايملوجن نصف لامع

بستلة بلاستيك نصف لامع لأعمال الدهان الداخلي صمم خصيصاً لإعطاء بياض ناصع ونعومه عاليه وتحمل للغسيل وعوامل الجو ولا يصلح للوجهات او الدهانات المعرضة للشمس والاتربة فهو غير مقاوم للتعرية وزن الجازلة 13 كيلو جرام وشكلها موضح في الصورة.

سعر ديوروسان اكشن

سعر بستلة ديوروسان اكشن
سعر بستلة ديوروسان اكشن

سعر بستلة ديوروسان اكشن 325 جنيه.

الوصف: ديوروسان اكشن دهان مطفي غير قابل للغسيل يستعمل في اعمال التبطين وتشطيب الاسقف
لا يصفر وبياضه ناصع وملمسه ناعم جداً وهو من عائلة جوتن الاقتصاديه ويعادل بلاستيك سايبس 700 ولكن معرض للاتساخ بشكل كبير من العوامل المحيطه.

لا ننصح بالدهانات المطفيه للحوائط في التشطيب لانه عرضه للاتساخ وغير قابلة للغسيل.

شاهد أيضا: سعر بلاستيك دايتون 3030 في مصر

اسعار دهانات جوتن, احنا في جوتن (كان) عندنا منتج اسمه ديروسان داخلي ودا اتغير تماما واتلغي واتنفذ منتج جديد كليا بخامات مختلفة اسمه ( ديروسان اكشن) هو منتج مط.
في منه الأبيض والألوان الكمبيوتر ومن اهم مميزاته:
1*سهوله تطبيقه انه ولا بيشبح ولابيلحم ولا بيخشن في شغل الاسقف والحائط.
2* التغطيه الكاملة من وشين فقط بعد البطانه.
ودايما بنقول ان البطانة الأفضل تكون( برايمر) بعد المعجون
3* معدل الفرد اللي بيوصل ل 100 متر مربع في الوش الواحد ودا اللي مافيش اي منتج منافس هيديك المعدل دا في السعر دا
4* البياض المنتج ابيض ناصع جدا ودا الجديد في الديروسان اكشن
5* السعر ودا بقي اهم مايميز المنتج اللي سعره بيكون 335 جنيه للبستله ودا اقل سعر بستله تأخذ منها معدل فرد 100 متر مربع في الوش الواحد
حابب اسمع رأي الناس اللي جربت المنتج
ولو في اي استفسار انا تحت امركم.

هتكلم كمان عن منتج من اهم منتجات جوتن الداخليه واللي انا شخصيا برشحه لناس كتير في شغلها وهو (فينوماستيك سيلك) او الاسم الحقيقي بتاعه هو ( فينوماستيك بيتي ناعم حريري) اشمعنا المنتج دا بقي اللي برشحه لناس كتير ؟؟ باختصار في ناس كتير مابتحبش البلاستيك المط وفي نفس الوقت الحوائط عندهم بتبقي لاعبه وفيها عوجان كتير وخليني اقولك هنا بقي معلومه علي السريع لازم تفهم زبونك ان اساس النقاشه مش المعجون لا اساس النقاشه هي المحاره وفهم زبونك ان الحيطان لو لاعبه وهي علي المحارة هتفضل لاعبه بعد التشطيب.

لان المعجون وظيفته انه ينعم الحيطان مش هيعدلها ومن هنا بقي تبدأ الحيره طيب اشطب بلاستيك مط علشان يداري شويه والذبون مش عاوز مط ولا اشطب حاجه فيها لامعه وتبقي فضاحه.
انا هنا بقي اقدر اقولك استخدم (فينوماستيك سيلك) وانت متطمن هتاخد منه لمعه الحرير الجميله بتاعته وفي نفس الوقت مش هتبقي فضاحه للعيوب ومميزاته كتيره اوي بقي ماتعدش اللوانه ناصعه وكمان معدل فرده عالي جدا وكمان بيتحمل عدد مرات متكرره من الغسيل .

وكمان ملمسه حريري ومميزات تانيه كتير…………… بس استني شويه🤔🤔 ياريت تأخذ النصيحة دي وتطبقها لو هت تشغل (فينوماستيك سيلك).

أولا:_ البطانة بتاعتك تكون فينوماستيك برايمر او جوتاشيلد برايمر وياريت تلونها لون قريب من لون التشطيب و للمرة المليون بلاش تبطن بلاستيك مط ولا بلاستيك مط علي برايمر لان دا لو صح كانت الشركات عملتلك منتج بطانه بلاستيك علي سيلر وريحتك بس دا مش صح .

ثانيا :_ التخفيف معدل التخفيف المضبوط( للفينوماستيك سيلك) بيكون الألوان الغامقة 5٪ فقط الألوان الوسط 7٪ فقط الألوان الفاتحة 10٪ فقط المنتج عبواته اللتر والجالون والبستلات.

يرجى مراعاة أن أسعار الدهانات جوتن في مصر متغيرة باستمرار نظراً للارتفاعات في الأسعار الذي يشهده السوق المصري لذلك تأكد دائماً من أن هذه الأسعار هي الحديثه وللسؤال عن أي منتج من منتجات jotun لا تتردد في طرح سؤالك من خلال التعليقات وسيتم الرد عليه على الفور.

التعليقات

  1. تنبيه: تحديث أسعار دهانات GLC و سايبس و الفا مصر وسكيب وكابسي في مصر 2020 - موقع الحريف
    1. البستلة 11 كيلو في النصف لامع و14 كيلو في المطفي
      الجالون 3 كيلو في النصف لامع و4 كيلو في المطفي
      اي ان البستلة تعادل 3.66 جالون في اللامع
      وتعادل 3.5 جالون في المطفي

      1. ممكن أعرف شقة 145م علي المحارة و مساحة الحوائط 250 م مربع تحتاج معجون كمية أد إيه سكيب أونو شيلد علي الأقل 3 سكينة، و كمية دهان كام بستلة يوتن فينوماستك فانيلا لاتيه

        1. المعجون على حسب حالة المحارة ولكن في الغالب هيكون 25 شيكارة معجون اونوشيلد وننصح باستخدام سيلر مائي قبل المعجون على المحارة مباشرة لتوفير المعجون وللتأسيس الصحيح اما بالنسبة لعدد بستلات الدهان فيكون 5 بستلة

          1. لو سمحت شقه ٩٠ متر اللى هى شقق الاسكان الاجتماعى لو على علم بيها يعنى لو محتاجه دهان فانيليا لاتيه للشقه ايه الكميه المطلوبه والتكلفه كامله ممكن تكون ف حدود كام
            وتنصحنى بإيه ف الجزء بتاع لامع ونصف لامع لانى مش فاهمه الجزء ده كويس
            ارجووووووووو الرد عشان فعلا محتاره ومتضايقه كمان

        1. لو للحوائط تكفي لغرفة واحده يافندم وتزيد قليلا يعني نقول غرفه وربع تقريبا على حسب حالة الحوائط.
          لو للاسقف فقط تكفي 3 غرف

    2. نرغب في لستة باصناف منتجات الجوتن واسعارها وانواعها بسعر جملة مع توضيح العنوان الاقرب للتعامل والشراءبالاسكندرية

    1. ماذا تقصد بالعبوه هل كيلو او جالون او لتر وما نوع البلاستيك هل مطفي ولا لامع ولا نصف لامع ولا ربع لامع
      نرجو التحديد لاعطائك السعر بالضبط.

    2. افضل نوع واجهات فيلات دهانات مدهونة جوتن من قبل اسم الدهان ونوعة والسعر كام للبستلة وهى كام جالون

  2. هل سعر الالوان بالكمبيوتر اغلي كثير من لو انا ضربت الوان مع ابيض ؟ بستلة ديروسان اكشن اي لون بكام ؟؟

      1. كم سعر باستلة جوتن نصف لامع فانيلا لاتيه ونصف صبغة في الفينوماستيك وفي الديورسان اكشن

          1. شقه 110متر
            3غرف+صاله صغيره+صاله كبيره
            تاخد كميه قد ايه وتكلف كام بالضبط

      1. استخدام فينوماستيك برايمر افضل في البطانة بعد المعجون
        ان استخدام جوليفيكس افضل

        1. كم سعر بستلة البريتنج سيلر ووزنها كام كيلو وكم متر مربع تدهن البستله لحوائط ممحرة مصيص

  3. إجمالى الحوائط 140م وانا عامل بلاستيك قبل كده ووعايز بس التجديد وتغيير اللون اخد كام بستلة نصف لامع وكم السعر

  4. عاوزة اشوف كتالوج الوان جوتن اللامع والنص لامع وعاوزة اعرف لدهان حوالى 90متر مربع وش نضافة وتجديد يحتاج كمية اد اية وهل يحتاج البطانة البرايمر ولا دهان علطول وشكرا

    1. جميع الكتالوجات بتكون مطفي وبنشتغل عليها لامع يعني مفيش حاجه اسمها كتالوح لامع او نص لامع كل الكتالوجات مطفيه والدرجات في الالوان قريبه من بعضها في جميع الشركات
      بالنسبة لمساحة 90 متر هتحتاجي 4 بستلات تقريبا – اما البطانه او السيلر برايمر فده على حسب حالة الحوائط الحالية.

    1. تاخد من 15ل 20 معجون واتنين باستله سيلر واربعه بطانه وثلاثه تشطيب ً تحت امر حضرتك ايمن يونس للدهانات واحدث التشطيبات الداخليه والخارجيه 01099766891

  5. لو انا عايزة ادهن شقة 115 متر وكانت مدهونة بلاستيك الوان مختلفة وحالة الحوائط كويسه جدا انا كده محتاجة كام وش لو انا عايزة ادهنها ابيض ولبنى فاتح نص لمعة

    1. الافضل انك تعملي وش مطفي باللون الجديد وبعدها وش لامع بنفس اللون الجديد
      فايدة الوش المطفي انه هيفتح المسام للدهان الجديد بحيث انه ميتقشرش بعد كده وكمان هيخلي اللامع وش واحد مش وشين وبكده هتوفري كتير لان فيه فرق كبير بين سعر المطفي واللامع

      1. لو سمحت ضرورى جوتن ديوروسان اكشن ٩ ك يكفى ٢ غرفه ٣ فى ٤ ولا واحده فقط وهل بيصفر الابيض او يغير لونه وهل بيتغسل ويستمر كام سنه بحالته لو سمحت ضرورى

        1. اهلا بحضرتك يا فندم
          ديوروسان اكشن دهان مطفي غير قابل للغسيل يستعمل في اعمال التبطين وتشطيب الاسقف
          لا يصفر وبياضه ناصع وملمسه ناعم جداً وهو من عائلة جوتن الاقتصاديه ويعادل بلاستيك سايبس 700 ولكن معرض للاتساخ بشكل كبير من العوامل المحيطه
          لا ننصح بالدهانات المطفيه للحوائط في التشطيب لانه عرضه للاتساخ وغير قابلة للغسيل

    2. ان شاء الله بافضل نتيجه ترضي حضرتك وترضي ذوقك بنفذه ع اكمل وجه ايمن يونس للتشطيبات والديكور تحت امرك اي وقت. 01099766891

  6. تنبيه: سعر دهان فانيلا لاتيه من جوتن vanilla latte Jotun
  7. سلام عليكم عاوز ادهن شقتي مدهونه بلاستيك بس فيها مرمات هل هتحتاج سيلر ولا ابطن مط علي طول وافنش… طيب بعد معجونة المرمات والصنفره ولا افضل أدهن سلير جوتن وافنش من غير مط

    1. في الحالتين تمام يا فندم يمكنك استخدام السيلر المائي بدلاً من البطانة ويمكنك أيضا التبطين وبعدها التشطيب الحالتين صح

  8. عندي اسقف وحوائط تقريبا ٢٤٠٠ م٢ علي المحاره تحتاج معجون كمية أد إيه سكيب أونو شيلد علي الأقل 3 سكينة، و كمية دهان كام بستلة يوتن

    1. السلام عليكم اسمحلي ارد ع حضرتك ايمن يونس للتشطيبات والديكور 01099766891
      حضرتك بتحتاج معجون من 80 ل 90 معجون حسب حاله المحاره خشنه ناعمه ع حسب وبلاستيك مط حوالي 35 ل 40 باستله تقريبا
      اي استفسارتحت امرك

  9. كم تحتاج تغطية حوائط ٥ غرف متوسط الغرفة ٤×٤ دهانات زيتية بالالوان الكمبيوتر تشطيب كم جالون وتكلفة الشراء وشكرا بالضبط

    1. اهلا بحضرتك استاذ محمد
      الكمية 4 بستلة وزن 11 كيلو.
      السعر بيكون حسب اللون لان كل لون له سعر مختلف
      حضرتك حدد لي اللون وانا اقولك تكلفته كام بالضبط

        1. الوان الكمبيوتر فانيلا لاتيه وميلكي واي وغيرها من الدرجات يتم تلوينها على البلاستيك فقط وليس الزيت
          لو عاوزها على الزيت الصنايعي هيلونها لك يدوي ويحاول يقرب اللون
          اوزان الزيت مفيش بستلة اكبر حجم جالون دوبل 5 كيلو تقريبا وسعره حاليا 235 جنيه لون ابيض

          1. شكرا على التفسير طيب اربع غرف تشطيب متوسط ٤×٤ تحتاج تحتاج أد إيه جالونات زيت وسعرها والنوع المفضل جوتين ولا سنتيال باكين ولاgls واسعارهم

  10. لو سمحت شقه ٩٠ متر من شقق الاسكان الاجتماعى محتاجه ايه
    و قد ايه بالظبط من لون فانيليا لاتيه من دهانات جوتن وتنصحنى بايه ف موضوع دهان لامع ولا نص لامع ولا مط علشان مش فاهمه اوى النقطه دى
    وياريت لو تقولى التكلفه بالتقريب حتى هتبقى ف حدود كام مثلا .. ضرووورى لو سمحت عشان لفيت كتير و اتخنقت بصراحه محدش عارف يفيدنى ابدا

    1. اهلا استاذه ريهام نورتي الموقع

    2. بالنسبة للنوع الافضل لشقق الاسكان الاجتماعي هاتي ربع لامع وده افضل لاسباب كتير
      الربع لامع مش هيظهر عيوب المعجون اللي مسحوب والمعجون في شقق الاسكان بيكون كله مطبات ومش كويس وبالتالي انصحك بالبلاستيك الربع لامع من شركة سايبس او جوتن او الجزيره او الفا مصر سكيب فقط هذه الشركات وبلاش اي انواع تانيه مش مجربه.
      بالنسبة للكمية من لون فانيلا لاتيه 3 بستلة هتكفي ان شاء الله
      التكلفة حوالي 1800 جنيه لل3 بستلة ويمكنني توريد الكمية اللي تحتاجيها لحضرتك.
    3. ولو فيه أي استفسار اخر تحت امر حضرتك

  11. تنبيه: احدث اسعار الدهانات فى مصر 2022 لجميع ماركات جوتن ، سكيب ، سايبس كمبيوتر ، جي ال سي ، الفا ايجيبت بجميع أنواعها وألوانها في مصر 2021 | اسعار دهان ك
  12. مساء الخير يا فندم
    ١٠٠ متر كام بستلة وانهي نوع اللي بيتخفف بالميه . وانا حستخدم رشاش بينت زووم . حضرتك ادهن وش اول واخفف بميه اد ايه للبستله الواحده مع العلم أن الجدران متبيضه بلاستيك ومفهاش عيوب اطلاقا. أرجو المساعدة. والف شكر لحضرتك

  13. تنبيه: سعر بلاستيك دايتون 3030 في مصر
  14. تنبيه: سعر برميل الوان جوتن – LovePrice
  15. تنبيه: سعر جالون الدهان من جوتن في السعودية – LovePrice
  16. تنبيه: سعر برميل الدهان البلاستيك الابيض – LovePrice
  17. تنبيه: سعر برميل بوية 900 - كم احتاج برميل بويه لددهان شقه خمس غرف وصاله - هوامير ...
  18. تنبيه: سعر كيس معجون جوتن - أسعار دهانات جوتن 2021 بلاستك ومعجون وتشطيبات JOTUN
  19. تنبيه: سعر برميل دهان الجزيرة لنتكس - دهانات الجزيرة | تسوق الآن أون لاين دهانات داخلية وخارجية ...
  20. تنبيه: شركة ناشيونال للدهانات – دهانات ناشونال -National Paints Egypt – Home – SaVcc
  21. تنبيه: تعرف على أفضل أنواع الدهانات في مصر | مقارنة بين شركات الدهانات في السعر والجودة
  22. تنبيه: معدل فرد معجون جوتن – جوتن المهنية – Jotun – SaVcc

اترك تعليقاً

لن يتم نشر عنوان بريدك الإلكتروني.