التخطي إلى المحتوى

دهانات الكمبيوتر أصبحت هي البديل الأفضل للتلوين اليدوي وهي أحدث الأدوات الجديدة في عالم الدهانات حيث أصبح بإمكانك تلوين أي درجة لون مهما كانت صعوبة الوصول إليه عن طريق الكمبيوتر فكل ما عليك الأن هو الاختيار من مجموعه كبيره من الألوان التي يحمل كل لون منها كود محدد ويقوم الفني في مركز تدريب الألوان بالكمبيوتر بأخذ كود اللون الذي قمت باختياره وإدخاله في برنامج على الالة الخاصة بالتلوين فتقوم الألة بحقن نسب محدده من ألوان يتم تعبئتها مسبقاً داخل هذه الماكينة ويكون الناتج هو اللون الذي قمت أنت باختياره ولا توجد هنا نسبة خطأ فيكون اللون صحيح مائة بالمائة.

مميزات دهانات الكمبيوتر

كما قلنا ان الدهان الكمبيوتر هو أفضل من التلوين اليدوي وذلك لعدة أسباب نذكر أهمها:

  1. خامة البلاستيك ” البيز ” تكون أعلى من البلاستيك العادي.
  2. تطابق الألوان في التبطين والتشطيب وبالتالي المظهر النهائي يكون اللون هو المطلوب تماماً.
  3. لو حدث خدش في الجدار في أي وقت يمكنك الذهاب إلى مركز التلوين لخلط كيلو من اللون المطلوب لمعالجة الخدش.
  4. ثلاث خامات من البيز يتم التلوين عليه A , B , C.
  5. الصبغات التي تستخدم في التلوين هي صبغات عالية التركيز وبالتالي لا تضعف البلاستيك.
  6. عدم بهتان اللون بعد فترة وثباته.
  7. يمكنك الاختيار بين أكثر من 3000 درجة لون.

ما ذكرناه من مميزات هو ليس بكل ما يميز تضريب الألوان بالكمبيوتر بل هناك الكثير ولكن نحن ذكرنا أهم النقاط فقط حتى لا نطيل عليك عزيز القارئ وكما أن لكل شيء مميزات وعيوب فواجب علينا ذكر عيوب دهانات الكمبيوتر وهذا ما سنتطرق إليه في الفقرة التالية من مقالنا.

شاهد أيضاً: صور تابلوهات للحوائط بأشكال جديدة 2021

عيوب دهانات الكمبيوتر

  1. التكلفة أعلى من الدهانات التي تلون يدوياً.
  2. بعض الألوان القاتمة تكون شفافة إلى حد ما بمعنى أن التغطية أقل فنسبة الفرد تكون أقل فتستخدم كمية أكبر من الدهان وبالتالي تزيد التكلفة.

والأن نتطرق إلى أفضل أنواع دهانات الكمبيوتر في الفقرة التالية.

أفضل أنواع دهانات الكمبيوتر

أسعار دهانات الكمبيوتر
دهانات الكمبيوتر وأسعارها في مصر

هناك العديد من الشركات التي يمكنك وضع ثقتك في منتجاتها وسوف نذكر أهم تلك الشركات وليس بهدف الدعاية لها ولكن لتقديم النصيحة لك فقط وهذا حسب تجاربنا المستمرة في عالم الدهانات لعام 2020.

  • دهانات  سايبس.
  • دهانات  سكيب.
  • دهانات  GLC.
  • دهانات الفا مصر.
  • دهانات كابسي.

تعد هذه الشركات هي التي تقدم أفضل منتجات الدهانات حالياً ولو أردت الاستفسار عن نوع او شركه محدده فقط أذكر لنا اسم الشركة وسنرد عليك بجودتها من عدمه.

شاهد أيضاً: الوان دهانات جديدة 2021

أسعار دهانات الكمبيوتر 2020

بالنسبة لاستعراض أسعار الدهانات الكمبيوتر فهو أمر يصعب الجزم به لأن كل شركة لها سعرها وكل درجة لون له سعر مختلف عن الأخر ويختلف السعر من المطفي الى اللامع الى الربع لامع, ولذلك يصعب أن نحدد الأسعار ولكن سنضع بعض الألوان الأساسية فقط ولو لديك لون محدد فقط اذكره لنا وسوف نعطيك السعر بإذن الله.

  • جالون اسود نصف لامع: 250 جنيه.
  • جالون نبيتي نصف لامع: 300 جنيه.
  • جالون موف نصف لامع: 260 جنيه.
  • جالون بيج نصف لامع: 170 جنيه.
  • جالون بني نصف لامع: 220 جنيه.
  • جالون أزرق نصف لامع: 190 جنيه.
  • جالون تركواز نصف لامع: 195 جنيه.
  • جالون رصاصي نصف لامع: 155 جنيه.

مع العلم أن الجالون اللامع يزن 3.5 كيلو جرام ولأي استفسار أخر ضعه في تعليق وسوف يتم الرد عليك.

التعليقات

  1. تنبيه: تحديث سعر كيلو دهان الفلاور - موقع الحريف
      1. شقه مساحتها ١٠٠متر غرفه ٤*٤ وغرفه ٣*٤.٥ وصاله ٣*٤ وعايزه اللوان كشمير وحنزاوى وموف مع العلم عايزه حائط غامق وباقى حائط الغرفه فاتح ممكن اعرف تكلفه كام وفرق الكمبيوتر عن البلاستك العادى كام فى السعر

  2. سعر جالون اللون البينك لو سمحت ؟
    ولو عندي شقه ١٥٠ متر هحتاج كام جالون بينك عشان اعملها كلها بينك

    1. لو حضرتك هتعمل الشقه كلها بينك يبقى الافضل تشتري بستلات وليس جوالين
      سعر الجالون من 160 الى 180 حسب درجة البينك.
      سعر البستلة من 460 الى 490 حسب درجة اللون.

    2. انا عني غرفه 4*4 عاوز اعملها وش بطانه وش بطانه تاني احط عليه علبه لون ازرق دا صح ولا غلط. وسعر الحاجه دي كام
      ولو حضرتك ليك وجهه نظر تانيه يا ريت تقول ليه وتقولي تكلفتها كام

    1. اوفر حل ان حضرتك تجيبي بستلة نوع الفا ستار بسعر 120 جنيه وزن 18 كيلو جامبو وتجيبي معاها كيلو غراء ابيض وتضيفيه على البلاستيك وادهني بيهم الواجهة ده حل التوفير.
      اما الأفضل هو 2 سكينة معجون خارجي وتبطين وش سيلر مائي وبعدها وش بلاستيك نص لامع او ربع لامع او زيت.

    2. عندى شقة مساحة الجدران حوالى 220 متر كم تحتاج كمية بلاستيك لدهانها والتكلفة كام وذلك بعد البطانة

  3. لو الشقة مساحتها 90 متر وعاوز أعملها كلها دهانات كمبيوتر بس تكون لامعة والألوان الثلاثة اللى هاستخدمهم البيج والكافيه والرصاصى .
    كم جالون أو بستلة هاجيبهم بالإضافة للجبس بورد فى الشقة كلها
    التكلفة هاتكون كام مع العلم أنى محتاج الدرجة اللامعة من الألوان دى

    1. فانيلا لاتيه الجالون نصف لامع 185 جنيه.
      ميلكي واي 175 جنيه الجالون.
      مينت جرين 210 جنيه الجالون.

    2. عندى شقة مساحة الجدران حوالى 220 متر كم تحتاج كمية بلاستيك لدهانها والتكلفة كام وذلك بعد البطانة

  4. من فضلك عندى رسبشن٣٥م عاوز اعطيه وش نضافه وغرفه ١٥م هاعطى تركواز للرسبشن على نفس اللون القديم والغرفه روز على نفس اللون القديم ياخدوا اد ايه من فضلك

    1. بالنسبة للكمية هتكون في حدود 3 بستله وزن 11 كيلو
      وده بيتوقف على حالة الجدران ونوع معجون التأسيس يعني نقول متوسط 3 بستله ممكن تحتاج عليهم واحده كمان.
      أما سعر بستلة لون فانيليا لاتيه نصف لامع هيكون 500 جنيه الى 550 جنيه يختلف من شركة إلى اخرى

      1. ممكن حضرتك تقولى لو شقه مساحتها 105 متر مربع اسقف متشطبه كيمازيت بحاله جيده تتشطب ازاى تاخد وشين دهان ولا ايه الطريقه الصح والتكلفه ؟
        والحوائط حوالى 300 متر مربع تتكلف قد ايه مون والوان كمبيوتر حاجه نضيفه ؟

        1. يفضل الكيمازت ياخد سكينة معجون ووشين دهان
          بالنسبة للحوائط لابد من اختيار الالوان أولاً لأن كل لون يختلف سعره عن باقي الألوان ويمكنك التواصل معنا للمزيد من الاستفسارات

  5. ممكن حضرتك تقولى لو شقه مساحتها 105 متر مربع اسقف متشطبه كيمازيت بحاله جيده تتشطب ازاى تاخد وشين دهان ولا ايه الطريقه الصح والتكلفه ؟
    والحوائط حوالى 300 متر مربع تتكلف قد ايه مون والوان كمبيوتر حاجه نضيفه ؟

    1. يفضل الكيمازت ياخد سكينة معجون ووشين دهان
      بالنسبة للحوائط لابد من اختيار الالوان أولاً لأن كل لون يختلف سعره عن باقي الألوان ويمكنك التواصل معنا للمزيد من الاستفسارات

  6. لو سمحت سؤالي بخصوص العفونة في الحائط .. انا لسه داهن شقتي والحائط بتعمل سواد خلف السراير والدواليب ممكن اعرف السبب والحل

    1. فيه اكتر من سبب للعفونة في الدهان واشهرهم هو المعجون او البلاستيك المطفي المستخدمين في التأسيس
      العلاج هو إزالة العفونة بالكلور وبعدها العزل بسيلر حراري ومن ثم الدهان ولن تظهر أي عفونه مرة أخرى

    2. لو سمحت انا دهنت الحيطان عندى حيطه 2متر وحيطه تانيه 2متر والتالته تقريبا 3 متر لون رمادى بس يدوى وطلع مش مظبوط عاوزه لغيره لكمبيوتر ينفع اشتغل ع طول ولا لازم صنفره للون القديم وسعر اللون الرمادى الفاتح كمبيوتر كام وهحتاج قد ايه
      وغرفه برضو 4*4.5

      1. اهلا استاذه ساميه
        حضرتك تقدري تدهني الكمبيوتر فوق اللي حضرتك دهنتيه مباشرة والوان الرمادي كتير واشهرهم 6129

  7. لو هدهن الشقه درجة رمادي فاتح اقرب للابيض اختار انهي شركة اجيب منها كمبيوتر وتكون جودتها كويسهز

  8. السلام عليكم ورحمه الله وبركاته لو سمحت وياريت ترد عليا انا دلوقتي عندي شقه إسكان اجتماعي مدهونه دهان أبيض بيطلع لون خفيف في الايد زي الطباشير سألت نقاش قالي ده بلاستيك ردئ مش بيتغسل وقالي أنه هيعمل عليه وش نضافه واحد بس وهايستعمل دهان بلاستيك كيماتون هي الشقه عباره عن ثلاث غرف وصاله الغرف 3*3 والصاله 3*6 والطرقه 1*6وقالي هيحتاج 3بستله بس هيعمل وش واحد فقط هل كلامه صحيح ورأي حضرتك إيه وشكرا مقدما

    1. اهلاً استاذة رشا: بالفعل كلام النقاش مظبوط معظم شقق الاسكان بيتم تشطيبها ببلاستيك اقتصادي غير قابل للغسيل وبيطبع لو لمستيه ايدك تطبع عليه ويعمل بودره في ايدك كما وصفتي ولابد من عزله بالسيلر قبل عمل وش النظافه علشان ميفرولش ولا ينفخ ولا يقلع في المستقبل
      ننصح باستخدام السيلر المائي عدد بستلة على تلك المساحة
      عدد 3 بستلة كيماتون او سايبس بوند 2000 او الجزيرة او جوتن نصف لامع اي منهم يفي بالغرض
      الدهان وش واحد فقط حسب اللون لو فاتح وشين لو اللون غامق لو هتعملي جدار خلفية بلون مختلف
      سنقوم اليوم بنشر صور جدران خلفية بلاستيك ولكن مودرن بتصاميم جديدة سهلة التنفييذ ان شاء الله وبدون أي تكلفة زايده

  9. من فضلك انا عايز اعمل بس وش نضافة لكام حيطة فالافضل الدهان ام ورق الحائط وهل ممكن استخدام جالون دهان مستخدم بس مقفول من حوالي 3 او 4 سنين ولما فتحتها لقيتها طرية وقابلة للفرد مش محجرة ….. الدهان اللى عندي كان جوتن فهل لو استخدمته حيشتغل ولا ممكن يعمل عفونة

    1. مرحبا استاذ محمد: لو الجالون مستخدم يبقى مخفوف وطالما مخفوف يبقى لا يصلح للاستخدام بعد كل الفترة دي اما لو مش مخفف بالماء يبقى ممكن تشم رائحته لو فيها رائحة عفن او نشادر ييبقى متشتغلش بيه ولو راحته طبيعية اعمل عينه منه وسيبها تنشف وتأكد من صلابة الدهان
      لو حضرتك مقتدر انك تعمل ورق حائط فهذا الشيء راجع لك

  10. لو سمحت محتاج تكلفة الخامات دي
    – 3 صفايح بلاستيك اللون درجة فانيليا لاتيه
    – 2 جالون اللون درجة نبيتي القريب من درجة الكشمير
    – 3 كيلو قطيفة ليزر واللون محتاج لون يمشي مع درجة الزيتي ” لون الركنة زيتي جلد مقلوب”
    – 3 كيلو قطيفة ليزر ودرجة اللون كشمير
    ممكن حضرتك تقولي التكلفة هتكون ف حدود كام وايه افضل شركة

    1. معلش بعد اذنك سؤال اخير : الخامات اللي كتبتها لحضرتك عايزها كلها كمبيوتر ، وممكن تقولي رقم اللون في الشركة اللي حضرتك هتقترحهل ليا وايه الفرق بين لامع ونص لامع وايه الافضل بالنسبالك .. والمتر في ورق الحائط سعره كام

      1. بالنسبة لكود الالوان
        الكشمير الغامق A4-D
        النبيتي LPC 0442
        الليليا او البيج C13-A
        الفانيليا لاتيه C12-C
        الارقام دي شغاله على نظام التلوين العالمي CNF يعني معظم الشركات المعروفه الرقم هيقرا معاها.
        اما سعر ورق الحائط لو بالرول هيكون 260 جنيه.
        ولو بالمتر 3D اسأل على الخامة الكوتيد نسيج وبيبدأ سعر المتر من 90 جنيه يصل الى 190 جنيه حسب الخامة والشركة الطابعه للمنظر.
        الفرق بين اللامع والنص لامع هي شدة اللمعان ويفضل النصف لامع او الربع لامع لأن كلما زادة لمعة الدهان أصبحت عاكسة للضوء وبتكون مزعجه

        1. أهلاً بحضرتك استاذ شادي: المساحة اللي عند حضرتك تاخد حوالي 30 لتر دهان يعني تقريبا 3 بستلات وزن البستلة 9 لتر
          ده على حسب حالة الحوائط ونوع البطانه المستخدمة
          اما بالنسبة للالوان ارشح لك الفواتح عموماً لان الفواتح مفضلة في المساحات الضيقة والمتوسطة علشان تديك احساس بالوسع
          لون اوف وايت او اول درجات البيج او الرصاصي الفاتح او اول درجات الكافيه او اول مينت جرين فاتح
          اي لون فاتح يا استاذ شادي.

      2. شقتي رسبشن 24 متر وطرقه 10 متر في متر وغرف 3 مساحتها 3ف3و. 3 في 3 و4في30. يكلف كام جالون كمبيوتر هي محتاجه فقط لون اخير وحده معجون ومصنعيه كام تقريبا

    2. مرحبا استاذ سيد:
      3 بستلة بلاستيك فانيليا لاتيه سعر الواحده من 450 الى 480 جنيه.
      درجة النبيتي سعر الجالون النصف لامع من 190 الى 300 جنيه حسب احمرار الدرجة اما لو قريب من الكشمير فسعره هيقل عن كده.
      بالنسبة للون الزيتي يمشي معاه اللون البيج او الليليا وسعر الكيلو القطيفة البيج اوالليليا من 130 الى 150 جنيه بحد اقصى لو القطيفه نضيفه وخلي بالك هتسمع اسعار كتير وخرافيه بس ده السعر المعقول اللي التوكيل بيكون كسبان ومش جاي عليك.
      القطيفه الكشمير نفس السعر من 130 الى 150 جنيه وبلاش تقول كلمة ليزر لان القطيفة النضيفه مبتكونش ليزر لان لو فيها ليزر بيقللو نسبة الناكريه وبالتالي تأثير القطيفة بيقل وتظهر لمعة الجليتر.

  11. السلام عليكم
    انا شقتي حوالي 100 م بس مش صافي، الريسبشن 7.5*3.5 وفيه اوضتين 3.5*3.5 قد بعض والطرقة

    وعابز اعملها كلها دهان كمبيوتر من جوتن مينت جرين، ممكن اعرف هحتاج كام بستلة والبستلة بكام وتكلفني قد ايه؟

    1. اهلا استاذ محمد عيسى: هتحتاج ثلاثة بستلات وزن 9 لتر للبستلة والسعر من 450 الى 500 جنيه للبستلة.

  12. لو سمحت العلبه ال هي 5 كيلو عايز ألونها فيروزي ومش عارف استخدم كام إزازه لون من الاخضر والازرق

    1. عندي اوضه اطفال 4*4عاؤزة وش نضافه تاخد أد ايه دهان كمبيوتر وايه الالوان المقترحه

  13. السلام عليكم ورحمة الله وبركاته لو سمحت كم سعر بستلة رقم0570y80Rوسعربستلة2030وسعربستلة 4010وسعر بستلة رقم 1050 كلهم نص لامع

    1. عليكم السلام استاذ محمد:
      S 0570-Y80R من الوان النبيتي الفاتح او الاورنج الغامق سعر البستلة النصف لامع 950 جنيه
      وتأكد من كتابة باقي الارقام بشكل صحيح لانها مش قاريه معايا على السيستم

    1. 4010-R50B بسعر 580 جنيه للبستلة وزن 11 كيلو نصف لامع من درجات الموف
      S 1050-Y50R بسعر 840 جنيه للبستلة وزن 11 كيلو نصف لامع من درجات السيمون
      2030R بسعر 550 جنيه للبستلة وزن 11 كيلو نصف لامع من درجات الكشمير الغامق

  14. السلام عليكم لوسمحت عايزه ادهن صاله واوضه عندي ايه اللون الا ترشحه لي وانا عملت ابواب الشقه رصاصي

    1. أهلا بحضرتك استاذه مروه: اللون في الغالب بيكون حسب المساحة وحسب لون الفرش
      الالوان اللي طالعه حاليا هي الفانيليا لاتيه ودرجته في شركة جوتن 1519
      اللون دا في حاجه حقيقيه انو بيفتح بالنهار بيديك درجه كافيه فاتح ويغمق بليل.
      دا سحر يعني ولا ايه؟
      لا ببساطه اللون دا يتاثر جدا بالاضاءه وكل ما تزود اضاءه هيفتح.

      كمان لون مينت جرين كمان طالع موضه لكن هتواجهي صعوبه في اختيار الوان تمشي معاه.

      وطبعا الوان المينت بلو او الفيروزي او التركواز الوان معروفه وتقدري توفقي معاها الوان كتير

    2. السلام عليكم
      عندى شقة اسكان اجتماعى
      طبعا النقاشه مش كويسه بتطلع فى الايد
      عايز اعمل الشقه اللون فانيليا لاتيه
      لو عايز انا الى اعملها ممكن تقولى الخطوات ايه
      كام بستله ونوع ايه والسيلر اد ايه

    1. مرحلة التأسيس من الأفضل معاينه ميدانيه لأن المعجون ستكون كميته وخامته على حسب حالة المحارة

    1. اهلا استاذ حسام:
      الاقتصادي مافيهوش احسن انتا بنفسك قولت اقتصادي يعني خامه اقل من المتوسط
      الانواع كتير في الاقتصادي لكن مش براندات يعني في كل منطقه هتلاقي اسم مختلف معروف في دائرته السكنيه زي اسماء hd , hm , اوركيدا, اورو, برايتون, والعديد من الاسماء اللي بنسميها تحت السلم مع كامل الاحترام لهم.
      اما الانواع الجيده فهي معروفه للجميع جي ال سي , جوتن, الجزيره, الفا, كنزي, جولد وغيرهم
      لو هتدور على المتوسط اسأل عن قطيفة هوم كلر فهي متوسطة وبسعر جيد في حدود 100 جنيه للكيلو.

  15. لو سمحت شقة 135 م 3 غرف وصالة + جبس بورد في كامل الشقة
    عايزة أعمل غرفة لون اخضر ليموني وغرفة بنك وغرفة موف والصالة أوف وابت كمبيوتر GLC كم تتكلف

  16. لو سمحت لو شقه ٥٠متر لون بترولي تحتاج كام بستلا هتبقي بكام ..سكيب لو سمحت

  17. سلام عليكم
    كنت عايز اعرف رقم لون كمبيوتر سايبس
    لون بيبى بلو
    بربل فاتح
    اصفر فاتح
    لون اوف وايت
    والاسعار

  18. السلام عليكم
    عندى شقة اسكان اجتماعى 90 متر
    طبعا النقاشه مش كويسه بتطلع فى الايد
    عايز اعمل الشقه اللون فانيليا لاتيه
    لو عايز انا الى اعملها ادهنها ممكن تقولى الخطوات ايه
    كام بستله ونوع ايه والسيلر اد ايه

  19. سلام عليكم
    عندى شقة اسكان اجتماعى
    طبعا النقاشه مش كويسه بتطلع فى الايد
    عايز اعمل الشقه اللون فانيليا لاتيه
    لو عايز انا الى اعملها ممكن تقولى الخطوات ايه
    كام بستله ونوع ايه والسيلر اد ايه
    او هتتكلم كام لو صنايعى وشكراا

    1. لم اجرب دهانات اورينت وافضل الشركات هي جوتن – جي ال سي – سايبس – الفا * سكيب – كابسي

  20. السلام عليكم سؤالي انا عندي ريسبشن4*7متروالارتفاع حوالي مترين وسبعين سم وطرقة متر في اربعة وبلاكونة متر في اربعة ومدهونة وعايز وش نظافة ويكون بيتغسل تنصحني اعمل ايه والتكلفة تبقي محدوده وشكراً جزيلاً

    1. الوان الدوكو هي الافضل للرسم على الحوائط وبعض الرسامين تستخدم الوان البلاستيك لكن الافضل هي الوان الدوكو.

  21. من فضلك عندي غرفة 3*4 عايزة ادهنها لون العاج او فانيلا لاتيه وهي اثلا لونها بيستاج تاخد قد كام جالون

    1. مرحبا بك استاذه جيهان
      بما ان اللون القديم يعد من الالوان الغامقه وهو البستاج اذا هنحتاج نبطن الاول وش مط بلون فانيلا لاتيه بعدد 2 جالون
      وبعدها هندي وشين من لون الفانيلا لاتيه بالبلاستيك الربع لامع او النصف لامع حسب رغبتك عدد ا بستلة.

  22. لو سمحت أنا عندي الشقه ٧٥متر والغرفه5*4 والحوائط جرانيت الغرفه تاخد قد إيه سيلر وبعد السيلر تاخد قد إيه معجون سايبس وقد إيه بلاستيك

    1. الغرفه تاخد نصف بستلة سلر و 4 شكاير معجون و نصف بستلة بلاستيك مطفي ونصف بستلة (بلاستيك نص او ربع لامع)

      1. ممكن اعرف الدهان القطيفة احسن ولا الرخامى هل الدهان القطيفة عملى واية النوع الكويس منة واسعاره

        1. القطيفه شغلها كويس جدا وتأثيره جميل والستوكه الرخام كمان جميله لكن لازم تختاري نوع قطيفه يكون كويس وافضلهم جولدن واوتوشنتو بلس وجي ال سي وكنزي

  23. لسلام عليكم لو سمحت عندى شقه 3 حجرات كبار 4*4 وصاله 4*8 مدهونه كلها زيت مط انا محتاج اغير فقط الالوان تحتاج قد ايه دهان زيت مط والتكلفه والالوان بينك و رصاص قاتح
    او ممكن حصرتك تقولي سعر المتوسط كام

    1. انصحك تغير للدهان البلاستيك مش هيكلك كتير حوالي 1500 جنيه متوسط سعر وهيكون نصف لامع وقابل للغسيل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *