أسباب تقشير وتسليخ دهان البلاستيك وطرق علاجه

أسباب تقشير وتسليخ دهان البلاستيك وطرق علاجه

أسباب تقشير الدهان من الحائط هناك البعض من النقاشين دائماً ما يقعوا في خطأ أن الدهانات النص لامعه بعد التشطيب بتورق منها ويتسلخ ويقشر من على الحوائط كلها وبتطلع قطع كإنها أكياس ملزوقه ع الحيطه وممكن تورق منها وهي عامله تيب لاصق علي الجدار.
طبعا الخطأ مبيبقاش في الخامه لأنها بتحصل في خامات عالميه أمثال جوتن وسايبس وجي ال سي والفا وغيرها من أنواع الدهانات لشركات قوية ومعروفة.

الخطأ هنا يكون راجع لعدم اهتمامك بتنظيف الأتربة بشكل جيد ومتقن بعد صنفرة المعجون ولم يتم العزل بالسيلر المائي قبل البطانة فمن المفروض أن يكون الجدار  خالي تماما من الأتربة ويتم عزله بوش سلر على المعجون حتى يقوم بدوره بتعضيم المعجون وعزل الأتربة. فكيف نتأكد ان الجدار خالي من الأتربة كليا ؟

أولا  الجدار يتكنس أكتر من مره  وطريقة التكنيس بتكون عباره عن أنك تمسك المكنسة بيدك الغي فكرة انك تشبك المكنسة في درعها من قاموسك .. وابدأ بكنس بيها وتعيد اكتر من مره علي المكان المتصنفر لحد متتأكد انه تقريبا المكان بقي خالي من الاتربه وبلنسبه للاماكن العالية يستحسن انك وانت علي السقالة تكون المكنسة جمبك ووقت متخلص الحطة بتاعت الصنفره تبدء تكنس وبكده هتكسب وقت وتوفر مجهود طلوع ونزول
ثانيا . تفوط الجدار كويس .. ايوه تفوط الجدار كويس .. المكنسة استحالة تزيل 100 % من الأتربة بتاعت الصنفرة ..طريقتها بتكون عباره عن انك توفر قطعة قماش كبيره ويستحسن تكون خامتها قطن وتبدء بدعك الجدار.

فوائد دهان السيلر المائي على المعجون

ثالثاً نقوم بدهان وش سيلر على المعجون وفائدته إعطاء صلابه للمعجون وفتح المسام لاستقبال البطانه وتهيئة مسام الحائط للتكيف مع الدعان مما يعطيه صلابه جيده وكذلك عزل المعجون عن الدهان بشكل جيد وبكده نكون متأكدين تماماً ان التشطيب مش هيسلخ ولا يقشر من الجدار.

فيه فنيات وخطوات في الشغل ممكن نكون عارفينها ومش محتاجين ان حد ينبهنا عليها لكن بنكسل نعملها او بننسي من زحمة التفكير في امتي الشغل هيخلص .. لكن نلاحظ الفرق بعد منبدء المرحله الأخيره من الشغل عرضنا في وقت سابق سعر اسعار الدهانات يمكنك أخذ فكرة عنها.
نحن نقصد ان النظافة دي تعملها قبل البطانة .. منقصدش تعملها وتشتغل نص لامعه علي طول .. لان اكيد مفيش حد ممكن يشطب ع معجون من غير بطانه ولا سيلر.

تحدثنا في مقالنا عن أسباب تقشير الدهان وطرق الوقاية منه حتى لا تقع في هذا الخطأ وأي استفسار سيكون من خلال التعليقات إن شاء الله.

شاهد أيضاً

أسعار اللاكيه في مصر 2020

أسعار دهان اللاكيه في مصر 2020

أسعار دهان اللاكيه في مصر نستعرضه خلال مقالنا هذا بالتفصيل وبأخر تحديث لسعر اللاكيه عبوات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *