التخطي إلى المحتوى
شرح طريقة الدهان على الجير القديم
شرح طريقة الدهان على الجير القديم

من اصعب الحجات اللي بتقابل الصنايعى في الشغل لما يدخل على شغل معمول جير وهنا بقا هتفترق الطرق بين الصنيعية فى ايجاد الحل منهم اللى هيفضل ازالته نهائيا بالصروخ ومنهم اللى هيختار السيلر المائي ومنهم اللي سيختار السينتون و و و … بس أفضلهم (((من وجهة نظرى))) السيلر الحرارى بنتريتنغ
لأنه يتغلل في مسام الجير ويعملها زى عملية تحنيط على المدى البعيد يعنى لا تخاف ان الجير يحل ويطقطق ولا يطلع بالمعجون اللى فوقه اول مترل عليه البلاستك ولا الكلام ده خالص بس تكلفته غالية شوية.
طيب ايه افضل بديل بقا على قد الايد بس مش هيكون طبعا فى قوة البنترينتغ
-الغراء الحمص- بعد تصفية الجير الضعيف والسنفرة وفوقه وجه لاكيه مط بس خلى وجه الاكيه بعد يوم من الغراء وخلى سحب المعجون بعد يوم من الاكيه المط واسحب معجونك وبعدين وجه سيلر واشتغل يامعلم وعيش والصق تيب وشد برحتك وهتلاقى ثبات مبهر باذن الله.

 

حل أخر من أحد النقاشين

استخدم سلير مائي كوجه اول وبعد كده يستخدم معجون ديتوان او اسكيب واضافه نسبه من الغراء الحمص مع المعجون . ومش بحتاج لسنتون او لاكيه بطانه ٣٠٣٠ وتشطيب جلتكس انا بستخدم التجربه من عشر سنوات.

وايضا طريقه مختلفة

افضل طريقة صنفرة الجير بفرشة سلك و صنفرة 8 و تنظيف الحوائط بالمكنسة و دهان وش زيت بنفط و اسحب سكنتين معجون بلدي او سكيب اونوشيليد دهن وش سلير ماشي سحب سكينة معجون تنعيم وبعد كده شطب

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *